VIII
Di Papa Clemente VII
«Dilecto filio Ludovico Ariosto Nobili Ferrariensi
Clemens Papa VII
«Dilecte fili salutem et Apostolicam benedictionem. - Cum sicut nobis exponi fecisti tu librum tuum qui Orlandus furiosus inscribitur a te jamdiu editum et impressum vitio mendosum corrigere et supplere ac in melius reformare, aliaque pariter tui ingenii opera imprimere desideres verearisque ne alii te inscio vel invito illa imprimant, seu impressa vendant; Nos qui tuo ingenio [359] et virtuti libenter favemus, tuamque postulationem aequissimam agnoscimus, tuis precibus super hoc nobis porrectis inclinati inhibemus omnibus et singulis per omnem Sanctae Romanae Ecclesiae Ditionem temporalem constitutis praesertimque Bibliopolis et librorum impressoribus sub excomunicationis latae sententiae, et insuper amissionis librorum et XXV aureorum tibi applicandorum totiens quotiens contravenerint et eo ipso incurrenda poena, ne sine tua expressa licentia, consensu et voluntate tam dictum librum Orlandi furiosi de novo a te imprimendum quam quaevis alia per te in latino, seu vulgari sermone, in prosa vel in metris hactenus composita, et deinceps componenda opera quae tu imprimi feceris ulli alii donec tu vixeris imprimere aut imprimi facere seu vendere, aut venales habere praesumant. Mandantes universis locorum nostrae temporalis Ditionis tam Archiepiscopis et Episcopis eorumque Vicariis, Gubernatoribus, Locatenentibus, Potestatibus et Tribunalibus, ac Executoribus quibuscumque, ut ad omnem tuam vel tuorum requisitionem praesentes litteras tibi efficaciter observari, et poenas praedictas a contravenientibus irremissibiliter exigi faciant et curent cum effectu, contrariis non obstantibus quibuscumquae. Volumus etiam praesentium transumptis manu notarii publici subscriptis, et sigillo personae in dignitate ecclesiastica constitutae munitis, plenam in iudicio et extra ac eandem prorsus fidem adhiberi, quae literis originalibus adhiberetur si essent ostensae.
[360]
«Datum Romae apud Sanctum Petrum, sub annulo piscatoris. Die ultima Januarii MDXXXII. Pontificatus nostri anno nono.
«Blosius.»
FINE
[361]
