CAP. XXXVII. De Gorgitione XXIIII° Priami filio.

Gorgition ex Castimira Priami fuit filius, ut in his testatur Omerus: Καὶ τοὺ μὲν ῥ’ἀφαρμαρτ’, ὁ δ’ἀμυμονα Γοργυθιώαν Υιον θυν Πρῖαμοιο, κατὰ στῆθος βάλεν ῖω etc. [Que latine sonant]: Et hunc certe fefellit; hic irreprehensibilem Gogothiona filium amplum Priami per pectus percussit telo. Hunc, ut postea sequitur in textu, Priamus ex Castiamira, in esimia civitate propinqua Troie, suscepit. Qui postea in certamine apud Troiam a Theucro Thelamonis filio confossus occubuit.