CAP. XX. De Medesicasti VIa Priami filia et Polyippi coniuge.

Medesicastis filia fuit Priami naturalis, nec habetur ex qua matre. Que quidem nupsit Polyippo Mentoris filio, ut in Yliade testatur Omerus, ubi dicit: Νᾶιε δὲ Πήδαιον πρίν ἐλθεῖν υἷας Ἀχαιῶν, Κούρην δὲ Πριάμοιο νόθην ἔχε, Μηδεσϊκαστην etc. [Que latine sonant]: Habitabatque Ipideon antequam venirent filii Achivorum, filiam autem Priami, notham habebat Midesicastin. Huius Midesicastis virum, scilicet Polyippum, in certamine a Theucro, Thelamonis filio, occisum dicit Omerus.