Galileo Galilei — Usus et fabrica circini cuiusdam proportionis — Data figura quacunque irregulari hoc est circulo, quadrato, &c.

Galileo Galilei
Usus et fabrica circini cuiusdam proportionis
Data figura quacunque irregulari hoc est circulo, quadrato, &c.

Data figura quacunque irregulari hoc est circulo, quadrato, &c.

ipsi aequalem construere. cap. xxxx.

Sit ut cap. 14 diximus triangulus qualiscunque ABC cui circulum, quadratum &c. aequale invenire cupio. Primum quaeratur inter totam basim & dimidiam perpendicularem ipsius trianguli media proportionalis, ut ibidem demonstravimus, quae erit latus quadrati aequalis ipsi triangulo ABC, secundum hoc latus vel mediam proportionalem F aperiatur in punctis quadrati in hac linea & excipiatur intervallum punctorum figurae desideratae. Hincque si vides manifestissime pendet solutio problem. 2 prop. 14 lib. 2 Eucl. nam si ex rectilineo constituemus duos triangulos, & inter totam basim & dimidiam perpendicularem uniuscuiusque trianguli inveniemus mediam proportionalem habebimus latera duorum quadratorum quibus si unicum aequale invenerimus, habebimus quadratum dato rectilineo aequale, quod faciendum propositum fuerat.