Vasenicola viene da lontano;

se ne scappaie nu juorno cu nu tale,
nu furiere d' 'e guardie duganale,
e se ne jette a vivere a Milano.

Llà se 'ncuntraie c' 'o maestro Giordano

e pigliò la carriera teatrale

poi fu protetta da nu generale

e se fece 'na villa a Monsummano.

Ma, liggenno nu juorno int' 'o ggiurnale
caun certo Marco aveva fatto guerra

al padre in un comizio elettorale,

dicette: Ah, questo c'è ? Ora m'imbarco,

me metto nel corzè tanto na sferra,
le vaco 'e faccia e... taglio 'a recchia a Marco...