Allora Marco, c' 'o frate vicino,
saglie ncopp' 'a na votta pe parlà.
'A folla sbatte 'e mmane attuorno, e ffa:

Viva Marco, l'illustre cittadino!...

— Noi stiamo in mezzo all'acqua e senza vino –

fa Marco – e questa cosa non mi va!

Prendiamo imbarco in questa nave qua

e affrontiamo la forza del destino!

— Quà nave? – fa la gente stupefatta

— se non se vede ancora 'o riesto 'e niente,
e ll'armatura 'a sotto manco è fatta?

— Embè che fa? Nuie ce mettimmo 'a coppa,

vuie v'armate la prora pe ttramente,

e 'i veco d'aggarbarme... nfacci' 'a poppa...