— Me ne vado in loggione. Che vuol dire?
Pe sentì nu lavoro 'e quella fatta
me sarria miso dint' a na buatta...
L'arte è na cosa che s'adda capire!
Siente dì: Pe n' ingresso cinque lire!
Si capisce! Ma sai di che se tratta?
E quando ignori, amico, va t'accatta
due soldi 'e subblimato e puoi morire!
D'Annunzio! E chi ce sta, c' 'o tene pietto?
Dimane c'aggia fa, pe farle onore!
M'aggia menà pe muorto ncopp' 'o lietto!...
Voglio c' a gente dice, una parola:
— Ma chisto è nu parente dell'autore
'o fosse il padre di Vasenicola?