— Sapete perchè vado? Pe siscà.

Non mi dite ca so' nu scostumato;

io per quell'uomo llà me so' fissato
e nunn 'o lasso 'e pede: c'aggia fa?

Uno ca tiene il fegato 'e stampà

che il Padre Eterno, quando l'ha creato,

gli ha detto: Io mi ritengo fortunato

d'avervi fatto — nunn' 'o vuò sciaccà?

'O sisco, se capisce! E vularria

tenerle nnanze, pe pputerle dì:

— Ce sta nu scarrafone, 'a chesta via;

nu scarrafone, 'e na razza... marcata,

ca port' a spasso... chello ca dich' ì...

V'a vulisseve fa, na passiggiata?...