Dove avviene la scena? L'ho accennato:

a Venezia, ma prima che nascesse:

le terre si capisce, erano 'e stesse,
ma 'o paese nunn' era fravecato.

C'era l'Arengo... (Embè, v'aggio avvisato
ca songo cose serie e so successe..)
Redite? E che, quaccuno se credesse
ca mo l'arengo è nu pesce salato?

Oh gente a cui fa notte innanzi sera!

Liggite qualche libro, pe ffavore,
prima' 'e fa na figura 'e sta manera!

L'arengo è na piazza.. Ve cummiene?
Allarma 'e ll' equinozio! Embè, ll'autore
piglia e mettev' 'o pesce ncopp' 'e scene?