(Dint' 'o cafè nun se sente nu sciato:

Ciccillo 'o cammariere, 'o cumannante,

don Rosario Vacile, 'o penziunante,

duie tre amice, 'o patrone, on Libberato,

stanno attuorno. O sicario s'è stutato

e 'on Federico guarda 'a tuttu quante

e cu na flemma ca 'nquartasse 'e sante

dice: Cca se fa' tarde, e io 'sto occupato!

Ma ll'amice protestano: Che fa?

V'accumpagnammo cu na carrozzella...

Nun ve ne jate, che pressa ce sta?

— Beh! – dice isso – e dov'ero, neh, Ciccì?

'O cammariere se fa na resella:
— Ncopp' a punta – risponne – 'on Federì!...