Vasenicola, intanto, ca vuleva
mettere 'e frate a tuzzo pe dispietto,

aveva cominciato un amoretto

con Sergio, mentre Marco nun ce steva.

Sergio era uomo di chiesa, ma teneva

(salvando sempre'a chiereca) un difetto:

l'andava a ggenio o ppoco d' 'o scherzetto
e con la ronna, a verità, se steva..

Che successe? Che dàlle ogge o dimane

la cosa si fe' seria e, in conseguenza,

'o ssapettero tutt' 'e parrucchiane.

Isso non si scompose: — Reverè,

pe pparlà della cosa con coscienza

pe ffavore, venitela a bbedè.