— E chesto – fece Sergio – è niente ancora;

mo me date na voce mentr'abballa.

Gusterete la danza d' 'a farfalla,

se sta un poco di genio la signora...

L'orchestra fece 'o valzer d' 'a «Fedora»,

essa sciugliette na fettuccia gialla
ca manteneva 'o bbusto 'ncopp' 'a spalla
e ascette comm' 'o quatro 'e ll'Aurora.

(Sapete, chillu quatro ch'è al Mosè,

che c'è una donna dentro una conchiglia

ch' è na cosa da farve stravedè).

Ma nel mentre la danza è più animata

ecco nu fuie fuie, nu parapiglia
e sponta Marco for' 'a balconata.