— Bravo! – facette Marco, mazzecanno –

E ccu salute 'a cummertazzione!

Vuie ve state spassanno 'mmiez' 'e suone

e i' faccio chesta vita 'e cane 'a n' anno.

E se capisce! Io vaco velïanno

e cca se fanno, 'ntanto, 'e ccose bbone.

Io che songo? So 'a scorza 'e nu limone,

ca pure 'e frate stanno scamazzanno.

Addio, Sè... C' 'o prummesso 'e sti signore

quando volessi dirti na pirola,

vicino 'o ciardeniello, 'o bbì, cca ffore...

Ce fumammo nu sicaro tuscano

e po, fratiè, co na pugnuta sola

te scoso 'o core 'e t' 'o cunzegno mmano...