— E quest'è legge? E questa è libbertà?

ma qua siamo arrivati al «non-presutto»

qua, mio caro, si sta imbrogliando tutto,

e Iddio soltanto sa dove si andrà...

Tu vai dal tabaccaro pe ffumà?

Embè, piglia 'o sicario, o sano o rutto,

e po' cerca 'e cerine... Se fa brutto;

pecchè 'e cerine nunn' 'e può cumprà...

Dice: Ma senza scatola, scusate,

io stu sicario mo comme l'appiccio?

Embè – chillo risponne – v'agghiustate....

Ca si po' v'è venuto stu capriccio,

io salvo a legge e vuie ve revulate,

e v'alluminate cca, nfaccia a stu miccio...