— E tu te tiene 'a posta e ssì prudente,

e nun rispunne c'allummasse... 'a zia,

e agliutte tutte cose, e avuote 'a via,

per il decoro, perchè ci sta gente...

Mo il proletario regna, mo è potente...

Vuò ribellarte, amico? È na pazzia....

Isso fa legge e ti comanda ? E sia...

Tu sì borghese, e cunte 'o rieste 'e niente..

L'operaio riposa... Embè, pacienza!

Te tiene 'e pile nfaccia na juornata,

e si vuò pane frisco ne faie senza...

'A, legge è legge, e nun ce sta quistione,

fosse pure na spingola accattata,

te vide 'ncuollo a cuntrammenzione.