— Mbè, voi credete ch'io dico una palla?

Io so stato na notta sana sana

a muzzecà, guardate, chesta mana

facenno, vi assicuro, 'a faccia gialla...

La mia signora, donna Rosa Galla,

mentre cuceva 'a carna 'int'a tiana,

se mette a ddi: — Ciccì, chiamma 'a vammana!...

E me s'abbocca cca, ncopp'a sta spalla...

Di festa, voi capite? — 'A levatrice?

— facc'io — tu scherzi, Ro'? Perdi la testa?

Il bimbo? Embè, va bene, ci si dice....

E ho dovuto strillà, caro 'on Pascale,

per acquietarla: — Guagliò! Ogge è festa!

Statte, ca vene 'o guardio mungipale!