Datam superficiem immutare in aliam cuius alia sit aequalis primae dataecaput xvi.
Esset equidem haec operatio difficilis, sed omnem difficultatem superat instrumentum hoc nostrum. Sit enim triangulus A, cui rombus aequalis triangulo A quoad aream, sed rumbo B similis fieri debeat. Primo quaeratur inter basim &dimidiam perpendicularem trianguli A media proportionalis, quae sit C deinde ipsius rombi B media etiam proportionalis, quae sit D denique quaeratur quarta proportionalis ipsarum DC hoc scilicet modo, si latus quadrati quod est D rumbi B dat latus falsum rombi B, quid dabit latus quadrati veri C trianguli A, & proveniet latus veri rombi. Hoc est videas quam proportionem habeant latera rumbi falsi, ut puta FG & proportionalis D & in hoc exemplo sit ut 100 ad 53, postea secundum quantitatem lateris C aperies in linea superficierum in 100, & excipies distantiam inter puncta 53. 53 pro latere E. Indeque habere poteris solutionem probl. 7 prop. 25 lib. vi Eucl. quo docet dato rectilineo simile, similiterque positum; & alteri dato aequale idem constituere.
Nota di Galileo:
hoc resolvat.
fiat ut c ad d, ita linea a ad aliam x;et erit ut □ cad □ d, ita figura a ad figuram x: ut vero □ cad □ d, ita est quoque figura a ad figuram b; ergo figura b est aequalis figurae x.
